2.Beyazıt Han’ın İçki Hakkında Fetvası

2.Beyazıt Han'ın İçki Hakkında Fetvası

Orijinal

Eşref’ül-Ümerâ’il-kirâm efham’ül-küberâ’il-fihâm zülkadri ve’l-ihtirâm el-mü’eyyed bi te’yîdât’il-Melik’il-Allâm Hüdâvendigâr Sancağı beği Muhammed -zîde kadruhû- ve mefâhir’ü kudât’il-müslimin ma’âdin’ül-fadli ve’l-yakîn vereset’ül-enbiyâ’i ve’l-mürselîn mezkûr sancak kadıları-zîdet fedâiluhum-tevkî-i refî-i hümâyûn vâsıl olıcak ma’lûm ola ki;

1. El-hâletü hâzihî Dergâhıma arz olundu ki, ol vilâyetlerde şehirlerde ve kurâda ve kasabâtda, velîmelerde ve cem’iyyetlerde alâniyeten şirb-i hamr ve tenâvül-i müskirât ve envâ’-ı fesâdat ve şenâ’ât olunub mecâlisde envâ-ı melâhîye ve ma’âsîye ve menâhîye irtikâb olunub şe’âir-i İslâm’a ri’âyet olunmayub fesekanın bu misillû kabâyihinden ve şenâyi’inden müslümanlar hususan ulemâ ve sulehâ ziyâde müte’ellim ve müte’essir olub bî huzur olur imiş.